TIRANË- Kuvendi i Shqipërisë u mblodh dje për një seancë maratonë, duke filluar me një minutë heshtjeje në nderim të ish-Kryetarit Servet Pëllumbi.
Debate dhe tensione pësuan pas interpelancave të kërkuara dhe të pa zhvilluara për shkak të mungesës së ministrave dhe kryeministrit Edi Rama. Ky i fundit mbërriti vetëm në mesnatë për votimin e projektligjeve.
Megjithatë, rreth orës 24 të mbrëmjes së të enjtes, socialistët votuan të gjitha pikat e rendit të ditës, duke rrëzuar edhe tre propozime të demokratëve. Në total u miratuan katër projektligje, gjashtë projektvendime dhe një kat normativ. Bëhet fjalë për aktin normativ për uljen e akcizës së naftës kur çmimi i karburantit shkon mbi 220 lekë, u miratua me 85 vota pro.
Në të njëjtën seancë, Genta Tafa u zgjodh Komisionere për Mbrojtjen nga Diskriminimi, me 83 vota pro dhe 25 kundër.
Votimet
Akt normativ nr. 1, datë 3.4.2026, “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar”.
Votimi: 85 pro, 0 abstenim, 25 kundër
7Projektligji “Për ratifikimin e marrëveshjes ndryshuese nr. 2, me shkëmbim të letrash, të marrëveshjes së financimit, ndërmjet Republikës së Shqipërisë, përfaqësuar nga Këshilli i Ministrave i Republikës së Shqipërisë, Malit të Zi dhe Komisionit Evropian, për programin IPA të bashkëpunimit ndërkufitar Mali i Zi – Shqipëri 2021 – 2027, ratifikuar me ligjin nr. 9/2024”.
Votimi: 85 pro, 1 abstenim, 0 kundër
Projektligji “Për disa shtesa dhe ndryshime në ligjin nr. 113/2020, “Për shtetësinë”, të ndryshuar”.
Votimi: 85 pro, 0 abstenim, 25 kundër
Projektligji “Për disa ndryshime në ligjin nr. 99/2024, “Për inspektimin në Republikën e Shqipërisë””.
Votimi: 85 pro, 0 abstenim, 25 kundër
Projektligji “Për identifikimin elektronik, shërbimet e besuara dhe portofolin e identitetit digjital”.
Votimi: 83 pro, 0 abstenim, 25 kundër
Projektligji “Për një shtesë në ligjin nr. 9975, datë 28.7.2008, “Për taksat kombëtare”, i ndryshuar”.
Votimi: 85 pro, 0 abstenim, 24 kundër
Projektligji “Për një ndryshim në ligjin nr. 9975, datë 28.7.2008, “Për taksat kombëtare”, i ndryshuar”. Propozim i Eno Bozdos
Votimi: 25 pro, 0 abstenim, 85 kundër
Projektligji “Për një ndryshim në ligjin nr. 61/2012, “Për akcizat në Republikën e Shqipërisë”, të ndryshuar”.
Votimi: 25 pro, 0 abstenim, 85 kundër
Projektligji “Për mekanizmin e reagimit ndaj krizave të furnizimit dhe çmimeve të lëndës djegëse”.
Votimi: 25 pro, 0 abstenim, 84 kundër
Projektvendim “Për zgjedhjen e Komisionerit të Zyrës së Avokatit të Popullit”, Komisioner në Seksionin e Mekanizmit Kombëtar për Parandalimin e Torturës, Trajtimit ose Dënimit të Egër, Çnjerëzor ose Poshtërues:
Ahmet Prençi 84 pro, 0 abstenim, 22 kundër
Aldo Meçi 1 pro, 6 abstenim, 101 kundër
Projektvendim “Për zgjedhjen e Komisionerit të Zyrës së Avokatit të Popullit”, Komisioner në Seksionin për Mbrojtjen dhe Promovimin e të Drejtave të Fëmijëve
Alma Faskaj 82 pro, 1 abstenim, 26 kundër
Gentjana Zeneli 0 pro, 3 abstenim, 105 kundër
Projektvendimi “Për zgjedhjen e Komisionerit për Mbrojtjen nga Diskriminimi”.
Genta Tafa 83 pro, 0 abstenim, 25 kundër
Projektvendim “Për zgjedhjen e Inspektorit të Përgjithshëm të Bankës së Shqipërisë”.
Merita Bejtja 84 pro, 1 abstenim, 23 kundër
Projektvendim “Për zgjedhjen e anëtarit të Këshillit Mbikëqyrës të Bankës së Shqipërisë”.
Matilda Shehu1 pro, 2 abstenim, 104 kundër
