ITALI- Kryeministri Edi Rama është pritur në Itali me një ceremoni zyrtare nga homologia e tij italiane, Georgia Meloni. Rama dhe Meloni zhvilluan më pas një takim kokë më kokë, në kuadër të angazhimeve ndërkombëtare dhe forcimit të bashkëpunimit me partnerët evropianë.
Visualizza questo post su Instagram
Rama ka ndarë pamje nga takimi përmes postimeve në rrjete sociale, teksa ka publikuar një foto krah homologes italine, duke u shprehur se asnjë qeveri italiane nuk ka bërë më shumë për Shqipërinë sesa ajo e Melonit në 35 vite.
“Të gjitha qeveritë e Italisë në 35 vitet e fundit kanë qenë posaçërisht dashamirëse ndaj Shqipërisë, por asnjë qeveri italiane nuk ka vënë në lëvizje një program kaq të ngjeshur bashkëpunimi strategjik me Shqipërinë, sa qeveria e Giorgia Melonit. Afrimi i mëtejshëm me Italinë përmes projekteve të mëdha e konkrete sjell më shumë zhvillim e siguri për Shqipërinë”, shkruan Rama.
