Ivan Juriç nuk është më trajneri i Atalantës. Kroati largohet me një bilanc të tmerrshëm nga skuadra bergamaske, e cila nga një makineri golash e loje të bukur si kandidate për titull në sezonet nën drejtimin e Gasperinit, u kthye në një ekip i cili fitoi vetëm 2 nga 11 ndeshjet e luajtura në Serinë A.
Shkarkimi nga klubi pjesë e të cilit është Berat Gjimshiti, u bë i qartë që pas humbjes me Sasuolon me shifrat 3-0 në Bergamo, teksa sot u bë zyrtar nga vetë klubi me një njoftim ku bënte të ditur edhe largimin e gjithë stafit të tij.
“Atalanta njofton se Ivan Juriç është liruar nga detyrat e tij si trajner i ekipit të parë, së bashku me bashkëpunëtorët e tij më të ngushtë: Mateo Paro, Miguel Veloso, Paolo Barbero, Stjepan Ostojiç dhe Mikele Orekio.
Atalanta falënderon Ivan Juriç dhe stafin e tij për përkushtimin e tyre dhe u uron gjithë të mirat në të ardhmen”, saktësonte klubi pa bërë të ditur se kush është emri që do ta zëvendësojë.
PANORAMASPORT.AL
Te lidhura
