Aleksis Mek Alister shënoi kundër Real Madridit në UEFA Champions League për sezonin e dytë radhazi, teksa Liverpuli i Arne Slot fitoi një ndeshje tepër emocionuese të fazës së ligës me rezultatin 1-0 në “Anfield”. Në fund, Liverpul kishte bërë mjaftueshëm për të marrë një fitore që mund të jetë shumë e rëndësishme në kontekstin e këtij sezoni.
E pabesueshme, kjo ishte hera e parë që skuadra e Slot siguronte dy fitore radhazi, që prej një serie prej shtatë fitoreve radhazi që u ndërpre me humbjen ndaj Kristal Palas në fund të shtatorit.
Ndërkohë, Real Madridi ka pak arsye të ankohet për rezultatin dhe ka arritur të fitojë vetëm dy nga 10 përballjet e fundit direkte me skuadrat angleze (3 barazime, 5 humbje).
Të dyja skuadrat pas 4 ndeshjesh janë në kuotën e 4 pikëve. Reali në duelin e radhës luan ndaj Olimpiakosit, ndërsa Liverpuli pret PSV-në.
FT: LIVERPUL – REAL MADRID 1-0
Mek Alister 61′
KOMENTI LIVE:
Mbyllet sfida!
90′ Akordohen 5 minuta shtesë.
75′ Shans i artë për Mbape, por tentativa e tij shkon ngjitur me shtyllën. (VIDEO)
47′ Mbrëmje magjike për Tibo Kurtua, që bën heroin me dy pritje. Fillimisht ndal gjuajtjen e Van Dajk, ndërkohë që herën e dytë ishte Ekitike që “flirtoi” me golin. (VIDEO)
Mbyllet pjesa e parë!
45′ Kundërpërgjigjet Reali me Belingham, por vendimtare pritja e portierit Mamardashvili me këmbë. (VIDEO)
42′ Tjetër pritje spektakolare e Kurtua, që i thotë sërish “jo”, Sobozlait. (VIDEO)
27′ Fantastik Kurtua, që i mohon një gol të sigurt hungarezit Sobozlai. Belgu ndal me këmbë gjuajtjen e mesfushorit. (VIDEO)
8′ Minuta të qeta, me të dyja skuadrat që kërkojnë të marrin frenat e lojës.
1′ Starton sfida!
FORMACIONET ZYRTARE
PANORAMASPORT.AL
Te lidhura
