Arbnor Muja është kthyer të lërë shenjë në futbollin belg, teksa sot ka shënuar golin e dytë personal në kampionat me fanellën e St. Truiden, klub të cilit iu bashkua gjatë merkatos së verës.
Në transfertën e vështirë përballë Gent, Muja ishte ai i cili solli barazimin e përkohshëm të ndeshjes në minutën e 59 të saj. Ai nisi një goditje këndi të shkurtër dhe pastaj mori përsëri pasimin, duke depërtuar në zonë nga e majta në mënyrë perfekte, për të gjetur hapësirën e goditjes që shkoi në rrjetë në shtyllën e parë.
SHIH VIDEON
Ky ishte goli i dytë i Mujës në këtë kampionat, në 9 ndeshje që ka luajtur anësori i Kombëtares shqiptare. Ai ishte pjesë e kuqezinjve në rrugëtimin e tyre drejt Euro 2024, por nuk u ftua në fazën finale dhe është lënë në harresë praktikisht nga Silvinjo që pas asaj arritje historike.
PANORAMASPORT.AL
Te lidhura
