Tre dekada pas momentit që mrekulloi botën e futbollit, legjenda kolumbiane Rene Higuita riktheu magjinë edhe një herë. Në një ndeshje emocionuese lamtumire të zhvilluar në Medelin të Kolumbisë, ish-portieri legjendar realizoi sërish pritjen më të famshme në historinë e futbollit: kërcimin e akrepit.
Në moshën 59-vjeçare, Higuita hyri në fushë për herë të fundit për të përshëndetur tifozët, familjen dhe ish-bashkëlojtarët e tij. Në një moment të përgatitur me kujdes, një top u harkua drejt portës, njësoj si në ndeshjen ndaj Anglisë në “Wembley” më 1995. Higuita kërceu përpara dhe, me një lëvizje spektakolare, goditi topin me thembra pas shpine, duke rikrijuar pritjen që e bëri të pavdekshëm.
Stadiumi shpërtheu në brohoritje, ndërsa tifozët përjetuan sërish emocionin e një momenti që kishte hyrë në historinë e futbollit. Për më tepër shikoni videon:
PANORAMASPORT.AL
Te lidhura
