Mbrojtësi Dajot Upamekano pretendon se negociatat e tij për kontratën e re me Bajernin nuk fokusohen te detajet financiare, siç ishte supozuar më parë.
“Nuk ka të bëj me paratë. Flasim shumë me Maks Eberl dhe Kristof Frojnd. Jam i lumtur këtu, po bëj një sezon të mirë, po bëj punën time, po jap gjithçka për këtë klub. Le të shohim çfarë ndodh. Jam kurioz,” i tha francezi gazetarëve pas fitores 6-2 kundër Frajburg.
Upamekano i dha lavdërim të veçantë trajnerit Kompani, i cili së fundmi nënshkroi një kontratë me Bajernin deri në fund të sezonit 2028/2029. “Vini është një trajner i shkëlqyer, flasim shumë, ai bën shumë seanca video me mua. Jam i kënaqur që do të qëndrojë deri në vitin 2029. Ky sezon po shkon shumë më mirë, trajneri ynë ka pasur kaq shumë ide. Jam mirënjohës ndaj tij”, tha i entuziazmuar Upamekano.
PANORAMASPORT.AL
Te lidhura
