Maldini Kacurri luajti sërish titullar sot për Morekamben, që u mposht me rezultatin 1-2 nga Rochdale. Mbrojtësi i Kombëtares është i huazuar në kategorinë e pestë, pikërisht te klubi që rrezikon rënien.
Kontrata e huazimit të Kacurrit nga Arsenali përfundon në 2 janar. “Topçinjtë” duhet të marrin një vendim, sa i përket 20-vjeçarit.
Dhe pse u transferua në mesin e shtatorit, Kacurri e shfrytëzoi mjaft mirë periudhën te Morekambe. Kështu mbrojtësi fitoi çmimin si “Lojtari i Muajit” te Morekambe për tetorin dhe nëntorin.
Arsenali duhet të vendosë nëse do të zgjasë huazimin, do e shesë apo do e huazojë te një tjetër klub. Fakt është se risia e Silvinjos në shtatorin e këtij viti do të jetë pa kontratë te Morekambe në vazhdim.
PANORAMASPORT.AL
Te lidhura
