TIRANË- Kryeministri Edi Rama ndodhet në një vizitë pune në Bruksel, teksa ka ndarë pamje nga takimi me Presidentin e Këshillit Europian, Antonio Costa. Në postimin e tij në Facebook, Rama shfaqet zyrtarit të lartë të BE-së, të cilin e ka cilësuar atë si mikun e tij të çmuar.
“Në këto momente përpara darkës së mbrëmshme të punës në Bruksel, me Presidentin e Këshillit Europian dhe mikun tim të çmuar, António Costa, ju uroj një ditë të mbarë”, shkruan Rama.
Kreu i qeverisë shqiptare ka zhvilluar ditën e djeshme një vizitë në Bruksel, ku është pritur në takim nga presidenti i Këshillit Evropian, Antonio Costa. Mësohet se takimi u zhvillua në kuadër të diskutimeve mbi marrëdhëniet mes Shqipërisë dhe Bashkimit Europian, si dhe çështje të rëndësishme të axhendës rajonale dhe europiane. Fokusi i këtij takimi kanë qenë negociatat e anëtarësimit të Shqipërisë në Bashkimin Europian, përfshirë ecurinë e reformave dhe bashkëpunimin e vendit me institucionet europiane./ZËRI
