Mateo Politano foli në konferencën për shtyp para ndeshjes Napoli-Bolonja, finalja e Superkupës së Italisë. Sulmuesi i Napolit theksoi se pritshmëritë janë të larta dhe çdo duel do të jetë vendimtar.
“Do të jetë një sfidë me shumë një kundër një. Të dyja ekipet duan të fitojnë trofeun dhe do të kërkojnë të imponojnë stilin e tyre. Ne duhet të jemi të fortë në çdo moment,” tha Politano.
Lojtari foli edhe për mundësinë e ndryshimeve taktike: “Ne mund të luajmë me shumë module dhe me shumë lojtarë të ndryshëm. Nuk është problem të ngelësh jashtë një ndeshje, e rëndësishme është të jemi në 100%.”
Ai shtoi se ndihet mirë në rolin e të katërtit në të djathtë dhe është gjithmonë i gatshëm të japë maksimumin për ekipin. Politano përshkroi grupin si të bashkuar dhe me shpirt qetësie:
“Qëndrojmë bashkë në momentet e mira dhe ato të vështira, duke folur gjithmonë hapur. Kjo është forca jonë.”
Ai përfundoi duke theksuar se në një finale pjesa më e madhe e përgatitjes vjen nga vetë ndeshja dhe se duhet të japësh gjithmonë më të mirën. Konferenca për shtyp u zhvillua në mëngjesin e djeshëm, duke dhënë sinjalin se Napoli është gati për sfidën e rëndësishme me Bolonjën.
PANORAMASPORT.AL
Te lidhura
