Performanca e jashtëzakonshme e Markus Rashford te Barça jo vetëm që i ka siguruar atij një vend përsëri në skuadrën e Anglisë, por gjithashtu e ka ndihmuar atë të rifitojë prestigjin futbollistik që dukej i humbur pas një spiraleje të pakuptueshme në rënie te Mançester Junajtid.

Në mënyrë të pashmangshme, e gjithë kjo do të thotë që emri i tij është rishfaqur në tregun e transferimeve në një kohë kur Barcelona, ku ai do të luajë si huazim nga klubi anglez deri më 30 qershor, duhet të fillojë të marrë në konsideratë nëse do të ushtrojë opsionin e tyre për ta blerë atë për rreth 30 milionë euro. Me sa duket, nuk ka nxitim për të marrë një vendim, pasi kjo do të varet nga progresi i tij dhe situata financiare e klubit.

Megjithatë, ringjallja e tij po tërheq interes nga klubet e mëdha evropiane që kanë burimet financiare për t’i bërë një ofertë Mançesterit. Në këtë drejtim, raportime të ndryshme nga Franca në Angli në orët e fundit tregojnë se PSG po e mban nën vëzhgim Rashfordin dhe madje flitet se ata kanë lënë mënjanë 50 milionë euro në rast se vendosin ta ndjekin transferimin. Duke parë performanën e britanikut e njëkohësisht edhe këmbënguljen e trajnerit Luis Enrike, presioni që po bën PSG-ja është shumë evident.

Për sheikët e Parisit kur vjen puna për para asgjë nuk është e pamundur.

© Panorama.al