TIRANË- Grupi Parlamentar i Partisë Demokratike ka kërkuar zhvillimin e mocionit me debat në Parlament lidhur me gjetjet përfundimtare të OSBE-ODIHR-it për zgjedhjet e 11 majit. Në kërkesën drejtuar kreut të Kuvendit, Niko Peleshi, demokratët theksojnë nevojën për debat në pas gjetjeve të shkeljeve në raportin final të OSBE-ODIHR.
Sipas tyre, është është detyrë e deputetëve të iniciojnë dhe nxisin debatin parlamentar për problematikat, mangësitë dhe standardet e proceseve zgjedhore, si një kontribut edhe për punën e Komisionit Parlamentar për realizimin e Reformës së Zgjedhore të miratuar rishtazi me konsensus ndërpartial.
“Pasur parasysh gjetjet dhe konkluzonet e raportit final të OSBE-ODIHR-it për zgjedhjet parlamentare të 11 Majit 2025, veçanërisht ato që lidhen me shkeljen e parimit të barazisë së palëve në garë, vlerësojmë se është detyra jonë si deputetë të Kuvendit të Shqipërisë, që të iniciojmë dhe nxisim debatin parlamentar për problematikat, mangësitë dhe standardet e proceseve zgjedhore në vendin tonë, si një kontribut edhe për punën e Komisionit Parlamentar për Realizimin e Reformës së Zgjedhore të miratuar rishtazi me konsensus ndërpartiak“, thuhet ndër të tjera në kërkesën e PD.
Kërkesa e tyre, e firmosur nga kreu i Grupit Parlamentar të PS-së, Gazmendt Bardhi, vjen pak ditë pasi u rrëzua ajo e ngritje së Komisionit Hetimor për zgjedhjet e 11 majit.
