Edon Zhegrova u kthye përsëri të luante me fanellën e Kosvoës, duke zhvilluar pak minuta si në sfidën ndaj Sllovenisë, ashtu edhe në atë ndaj Suedisë. Por për ato pak minuta, sulmuesi ka pësuar një dëmtim që do e lërë jashtë sfidës ndaj Komos në fundjavë me Juventusin.
Këtë e ka konfirmuar sot në konferencë për mediat trajneri Igor Tudor. I pyetur nëse Zhegrova dhe Konseisao mund të përshtateshin për të bërë anësorët për të dy fazat e lojës, ai zbuloi se sulmuesi kosovar nuk do të ishte i gatshëm për ndeshjen.
“E vështirë. Për Zhegrovën është e pamundur, Konseisao ndoshta po. Por Edoni nuk do të jetë i gatshëm për ndeshjen, ka problem me pubalgjinë dhe në ije”, shpjegoi Tudor shqetësimet e anësorit të sulmit kosovar i cili nuk po arrin ende të luajë me rregullsi.
PANORAMASPORT.AL
Te lidhura
