TIRANË- E ngarkuara me Punë e SHBA-së në Tiranë, Nancy VanHorn ka mbërritur mesditën e sotme në Kuvendin e Shqipërisë, ku është pritur në takim nga kryeparlamentari Niko Peleshi. Takimi mes përfaqësuesve që zgjati për rreth 30 minuta, përfundoi pa një deklaratë zyrtare për mediat mbi detajet konkrete të diskutimeve.
Sipas burimeve, takimi kishte në fokus partneritetin strategjik mes Shqipërisë dhe SHBA-së, veçanërisht bashkëpunimin në fushat e sigurisë dhe mbrojtjes, në kuadër të marrëdhënieve të ngushta mes dy vendeve.
Takkimi vjen një ditë pas mbedhjes së Grupit Parlamentar të PS-së, ku u propozua ndryshimii ligjore i Nenit 242. Ndëkrohë, bëhet me dije se ditën e nesërme, VanHorn do të zhvillojë takim edhe me kreun e Grupit Parlamentar të Partisë Socialiste, Taulant Balla.
Lidhur me ndryshimin e ligjit, sipas socialistëve, propozimi nuk ka të bëjë me rastin e pezullimit të Belinda Ballukut. Socialistët bëjnë me dije se do të ndryshonin nenin 242 të Kodit të Procedurës Penale, duke i hequr të drejtën gjykatave që të marrin vendime pezullimi ndaj kryeministrit, ministrave, Presidentit, Avokatit të Popullit dhe kreut të KLSH-së./ZËRI
