Pas barazimit 1-1 kundër Pisas, Milani po përgatitet për ndeshjen e radhës ndaj Atalantës, që do të luhet të martën në mbrëmje në Bergamo.
Masimiliano Alegri pritet të bëjë disa ndryshime në formacion, duke i kthyer një vend titullari Fikajo Tomorit, i cili u la pushim në ndeshjen e fundit dhe u zëvendësua nga Koni De Uinter. Belgut iu dha një penallti që ndihmoi Pisan të barazonte, edhe pse ishte një moment i pafat.
Në sulm, Rafael Leao, autor i tre golave në tri ndeshjet e fundit, është i garantuar për të nisur nga minuta e parë, ndërsa Santiago Himenez dhe Kristofer Nkunku janë të ftuar për të konkurruar për vendin tjetër në sulm.
Sot është një ditë e rëndësishme në Milanelo, ku do të vendoset nëse Ruben Loftus-Cheek dhe Pervis Estupinan do të rikthehen në stërvitje me ekipin. Loftus-Cheek po kalon një periudhë të vështirë për shkak të lodhjes muskulore, por nuk ka ndonjë lëndim serioz, ndërsa Estupinan, pas një dëmtimi të kyçit të këmbës në detyrën ndërkombëtare, ende nuk është rikthyer në stërvitjen e plotë.
PANORAMASPORT.AL
Te lidhura
