Fernando Karro, CEO i Bajer Leverkusen, në një intervistë për Sky Sport DE foli hapur për situatën delikate të Çabi Alonsos te Real Madrid, duke lëshuar një paralajmërim të qartë për menaxhmentin spanjoll.

“Gjatë pushimit ndërkombëtar, kalova një fundjavë në Madrid dhe familja e Çabit erdhi të më vizitonte dy herë. Ne kemi një marrëdhënie të shkëlqyer, gjatë atyre tre viteve në Leverkusen, ishim si një familje. Ne i ndjekim rezultatet e tyre dhe ata i ndjekin tonat. Ka një dashuri të madhe reciproke dhe qëndrojmë në kontakt të vazhdueshëm”, shpjegoi Karro.

Lidhur me çdo këshillë për Alonson gjatë kësaj kohe të vështirë, CEO ishte i qartë: “Ne nuk japim këshilla. Do të kishim dashur që ai të qëndronte me ne, por e dimë se është jashtëzakonisht i talentuar. Ai është në një situatë krejtësisht të ndryshme tani në Madrid, nëse presidenti e konsideron trajnerin një të keqe të domosdoshme dhe e lë të qetë të pranojë kritikat, situata është krejtësisht e ndryshme nga ajo që përjetoi në Leverkusen, ku të gjithë po bashkoheshim dhe e mbështesnim. Dyert janë gjithmonë të hapura për të dhe Virc Nëse duan të kthehen, mund ta bëjnë këtë në çdo kohë”, përfundoi ai.

Një shenjë e qartë se Bajer Leverkusen mbetet një shtëpi mikpritëse për ish-yjet e saj.

© Panorama.al