Interi ka lënë pas përballjen me Atalantën dhe ka nisur të mendojë seriozisht për të ardhmen. Dritarja e janarit ofron pak hapësirë manovre, ndaj drejtuesit zikaltër shohin nga vera. Objektivi është të ndërtohet një skuadër edhe më konkurruese për sezonin e ardhshëm.
Në këtë kuadër, vëmendja është përqendruar te disa profile të Atalantës. Dy emra spikasin mbi të tjerët në listën e Interit. Bëhet fjalë për Marko Palestra dhe Ederson. Marrëdhëniet mes dy klubeve janë të mira dhe kjo favorizon dialogun. Atalanta, sipas filozofisë së saj, është e hapur ndaj një shitjeje të rëndësishme në verë. Palestra është shfaqur si një nga surprizat e sezonit.
Paraqitjet e tij me Kaljarin kanë bindur shumë vëzhgues. Fizik, i fortë dhe i përshtatshëm për skemën me tre mbrojtës. Interi ka nevojë për përforcime në krahun e djathtë. Dumfris nuk ofron më vazhdimësi, ndërsa alternativat nuk bindin plotësisht.
Palestra shihet si një investim për të ardhmen. Ai pritet të rikthehet nga huazimi në fund të sezonit. Një tjetër emër i nxehtë është Ederson. Mesfushori brazilian vlerësohet për energjinë dhe balancën që jep në lojë. Interi kërkon muskuj dhe cilësi në mesfushë. Ederson përputhet me këtë identikit. Atalanta mund të vendosë ta shesë për të financuar merkato-n e saj. Kontrata e tij është ende e gjatë, çka rrit vlerën e kartonit.
Çdo lëvizje konkrete pritet të shtyhet për në verë. Sezoni aktual dhe impenjimet ndërkombëtare ndikojnë në strategji. Interi, megjithatë, ka nisur punën në prapaskenë. Palestra dhe Ederson janë sinjale të qarta të planeve zikaltër. Merkatoja e ardhshme pritet të jetë vendimtare. Qëllimi është të ruhet konkurrueshmëria në Itali dhe Europë.
PANORAMASPORT.AL
Te lidhura
