E ardhmja e Paulo Dibalës duket gjithnjë e më larg ngjyrave verdhekuqe të Romës. Sinjalet që vijnë nga Argjentina nuk janë më thjesht zëra merkatoje, por tregues konkretë të një ndarjeje që mund të ndodhë në fund të sezonit.Pas interesimit të vazhdueshëm të Boka Zhuniors dhe afrimit të mikut të tij Leandro Paredes, “zjarrit” i ka hedhur benzinë edhe një zë nga brenda familjes. Bëhet fjalë për Katherin Fulop, vjehrrën e “La Joya”-s, e cila ka zbuluar një prapaskenë personale që mund të ndikojë drejtpërdrejt në zgjedhjet profesionale të sulmuesit argjentinas.

E ftuar në emisionin “Otro dia perdido”, Fulop deklaroi hapur: “Është Oriana (bashkëshortja e tij) ajo që dëshiron të largohet nga Roma”. Një deklaratë që shton dyshimet mbi të ardhmen e Dibalës dhe e bën gjithnjë e më të mundshme një rikthim në Argjentinë që nga muaji qershor.

PANORAMASPORT.AL

© Panorama.al