Skuadra e Metalist 1925, ku aktivizohen dy sulmuesët shqiptarë, Ermir Rashica dhe Baton Zabërgja, ishte duke luajtur ndaj Veres-Rivne, ndeshjen e vlefshme për javën e 15-të në Premier Leaguen e Ukrainës, e cila për fat të keq nuk arriti të përfundonte, për shkak të ndërprerjes së vazhdueshme të energjisë elektrike.
Në stadium kishte ndërprerje të energjisë, teksa tensioni i lartë solli edhe djegien e gjeneratorit, duke e bërë të pamundur zhvillimin e sfidës.
Kjo gjë u pohua edhe nga vetë drejtuesit e klubit, nëpërmjet një reagimi zyrtar.
Për shkak të këtij problemi, gjyqtari i ndeshjes e pa të arsyeshme që kjo ndeshje të anulohet, teksa me shumë gjasa do të zhvillohet në një ditë tjetër. Rashica, Zabërgja dhe Itodo ishin 3 ish-ët e Superiores që e nisën ndeshjen si titullarë, ndërkohë që Kristian Mba, ndodhej në stol.
PANORAMASPORT.AL
Te lidhura
