Legjendat e Manchester United, Pol Skolls dhe Niki Bat, kanë shprehur zemërimin e tyre ndaj trajtimit që trajneri Ruben Amorim i ka bërë mesfushorit të ri Kobi Maino, duke e quajtur “një tallje absolute”.
Të dy kanë parashikuar gjithashtu se 20-vjeçari mund të transferohet te rivali i Premier Ligës, Çelsi. Deri tani, Maino nuk ka asnjë aktivizim si titullar këtë sezon në kampionat dhe ka mbetur i papërdorur në disa ndeshje të fundit, pavarësisht deklaratës së Amorim se ai është lojtar titullar.
Skolls u shpreh në një podkast se “”Kobi është një djalë 20-vjeçar dhe nuk po luan, ai do të duhet të largohet… Bast që i merr për dore Kasemiro çdo ditë në stërvitje”. Nga ana tjetër, ish-mesfushori Bat tha se “Maino do të jetë një tjetër lojtar i talentuar i akademisë që largohet dhe bëhet yll diku tjetër… Nëse do të isha në vendin e tij, do t’i thoja: ‘Ne po të nxjerrim jashtë’”.
Të dy legjendat shohin projektin rinor të Çelsit, që tani përfshin edhe ish-lojtarin e Junaitid, Alehandro Garnaço, si një destinacion ideal për Maino. Vetë Skolls këshilloi mesfushorin: “Shko pa menduar dy herë!”.
Paralelisht, Napoli po shqyrton një mundësi huazimi për Maino në janar, për shkak të mungesave në mesfushë për shkak të dëmtimeve. Në një kohë që Maino ka regjistruar gjithsej 83 paraqitje për Junajtid dhe ka kontribuar me 10 gola, legjendat e “Djajve të Kuq” duken të shqetësuar se skuadra mund të humbasë një tjetër talent të madh, pas rasteve të MekTominei dhe Elanga.
PANORAMASPORT.AL
Te lidhura
