Interi përballet me një shqetësim të ri në prag të derbit ndaj Milanit, pasi Denzel Dumfris ka pësuar një problem fizik gjatë grumbullimit me kombëtaren holandeze.
Mbrojtësi i djathtë nuk u përfshi në listën e Ronald Koeman për ndeshjen kundër Polonisë, të vlefshme për kualifikueset e Botërorit 2026, duke ngritur pikëpyetje mbi gjendjen e tij. Sipas raportimeve të “NOS”, Dumfris është ndalur gjatë stërvitjes së së martës dhe ka diskutuar menjëherë me stafin mjekësor, i cili ka preferuar ta mbajë nën vëzhgim pa e rrezikuar.
Futbollisti nuk ka braktisur grumbullimin, një shenjë që sugjeron se bëhet fjalë për një problem të lehtë, por situata mbetet e paqartë. Interi po ndjek me vëmendje zhvillimet, pasi roli i Dumfris është vendimtar në skemat e trajnerit Kivu. Me rikthimin nga angazhimet me kombëtaret, zikaltrit do të përballen menjëherë me Milanin dhe mungesa e holandezit do të ishte një goditje e rëndësishme në prag të sfidës.
PANORAMASPORT.AL
Te lidhura
