TIRANË- Kryeministri Edi Rama lajmëroi sot se kujdestarët e fëmijëve me aftësi të vecanta do t’iu paguajë shteti sigurimet shoqërore për pensionin në pleqëri. Rama u shpreh se shteti do t’u paguajë sigurimet shoqërore dhe nga muaj qershor do të nisë pagesa. Gjithashtu, ai bëri me dije se do tw dyfishohet shpërblimi pwr prindërit e fëmijeve me aftësi ndryshe.
“Nuk e kemi pasur mundësinë të rrisim pagat sepse ekonomia nuk na e ka lejuar. Tani kjo po ndodh, jo vetëm në sektorin publik, por edhe privat, ku pagat po rriten në mënyrë të ndjeshme. Po ashtu edhe me pensionet, kemi filluar një proces të pandashëm me rritjen e pensioneve. Në janar u rritën pensionet x, ndërsa janarin që vjen do të jetë dyfish i asaj shifre, në 2028 trefish, 2029 katërfish e kështu me radhë.
E kemi thënë edhe më parë, por do të realizojmë tani, që kujdestarët, prindër, të afërm familjarë të fëmijëve me aftësi të veçanta, kemi shumë fëmijë dhe njerëz që kanë nevojë, që janë të detyruar të kujdesen për njeriun e afërt, nuk mundet dot që për këtë shkak të mbeten pa pension nesër, dhe do t’ia paguaj shteti detyrimet shoqërore. Kjo do të fillojë nga akti i ardhshëm normativ i qershorit.
Ashtu sikundër kemi thënë dhe do ta realizojmë, dyfishimin e shpërblimit për prindërit e fëmijëve me aftësi të kufizuara, për nënat në radhë të parë”, tha Rama duke theksuar se nuk kanë qenë mundësitë për ta realizuar më parë.”, tha Rama.
