Në prag të ndeshjes së nesërme kundër Valencias, Çabi Alonso foli në një konferencë për shtyp, duke trajtuar tema të ndryshme në lidhje me fushën, menaxhimin e ekipit dhe situatat e fundit në ekip. Nuk mund të lihej pa u përmendur edhe rasti i Vinicius Zhunior.
“Vinicius është i përqendruar në atë që ka rëndësi, të gjithë duan të jenë në fushë. Nuk ka pasoja apo ndëshkime, çështja është zgjidhur që nga e mërkura. Ai foli sinqerisht dhe ishte i patëmetë.”
Alonso e bëri të qartë se menaxhimi i lojtarit u krye duke pasur parasysh interesat më të mira të ekipit dhe sigurinë taktike.
Për lodhjen e Mbapes: “Gjithmonë jam i shqetësuar që të mos i mbingarkoj lojtarët. Deri më tani, është menaxhuar mirë, por do ta monitorojmë situatën.”
Më pas ai foli për fitoren në El Clasico: “Ne treguam soliditet, duke parashikuar situata. Fitorja ishte e rëndësishme për vetëbesimin tonë, por tani duhet të përqendrohemi te Valencia dhe të mos dorëzohemi.”
PANORANASPORT.AL
Te lidhura
