Ndërtimi i një statuje të yllit argjentinas të futbollit, Lionel Messi, jashtë stadiumit të ri “Spotify Camp Nou”, u njoftua nga presidenti i Barcelonës, Joan Laporta.

Nëpërmjet një postimi, vetëm pak orë pas vizitës surprizë që lojtari bëri në stadium, në kthimin e tij të parë në qytet që pas largimit në lotë nga skuadra katër vite më parë, Laporta e konfirmon:

“Messi meriton të ketë statujën e tij jashtë stadiumit. Ne do të përgatisim një plan, do të flasim me lojtarin dhe familjen dhe nëse ata bien dakord, mund të ecim përpara”.

Dhe menjëherë deklarata u bë virale dhe mediat sociale tashmë janë mbushur me plane për një statujë të Messit.

Futbollisti argjentinas luajti nga viti 2004 deri në vitin 2021 për ekipin katalanas. Ai luajti në 778 ndeshje, shënoi 672 gola dhe dha 303 asiste.

Me Barcelonën, ai fitoi 4 herë Ligën e Kampionëve.

Ai u largua jo në mënyrën më të mirë në vitin 2021, ndërsa dëshironte të vazhdonte me ekipin dhe së fundmi u kthye në Barcelonë dhe vizitoi stadiumin Camp Nou që është në ndërtim e sipër në mbrëmje.

© Panorama.al