Pas nëntë javëve të para të Serie A, vetëm 31% e golave të shënuar kanë ardhur nga sulmuesit qendrorë, një tregues i qartë i ndryshimeve në lojën e ekipeve të mëdha. Emra si Lautaro Martínez, Dushan Vlahoviç dhe Markus Turam ende nuk kanë gjetur ritmin, ndërsa sulmuesit e krahut dhe mesfushorët po dominojnë listën e golashënuesve.
Në krye të renditjes janë Hakan Çalhanohlu dhe Rikardo Orsolini, të dy me 5 gola, të ndjekur nga Kristian Pulisiç, Kevin De Brojne dhe disa të tjerë me 4 gola. Ndërkohë, sulmuesit tradicionalë nuk kanë qenë vendimtarë në fazën fillestare të kampionatit, duke i lënë hapësirë lojtarëve më fleksibël për të shënuar.
Në krahasim me një vit më parë, situata është e ndryshme: atëherë 9 nga 10 vendet kryesore në listën e golashënuesve i përkisnin sulmuesve qendrorë, me Mateo Retegui në krye me 10 gola. Kjo tregon një ndryshim në taktikat e ekipeve dhe rolit të mesfushorëve në fazën sulmuese.
Interi duket të jetë skuadra që po përfiton më shumë nga kjo tendencë, me 22 gola të shënuar nga 10 lojtarë të ndryshëm, duke treguar diversitet në sulm dhe aftësi të shpërndara golash. E ardhmja e Serie A mund të jetë një sfidë e re për trajnerët, që duhet të gjejnë mënyra për t’i rikthyer sulmuesit qendrorë në rolin e golashënuesit kryesor.
PANORAMASPORT.AL
Te lidhura
