Lautaro Martinez vazhdon të shkruajë kapituj të rinj në historinë e Serisë A. Sulmuesi argjentinas ka shënuar tashmë kundër 30 skuadrave të ndryshme në kampionat, pasi goli i tij ndaj Komos e bëri klubin lombard “viktimën” e radhës.
Që nga debutimi me Interin në sezonin 2018/19, asnjë lojtar tjetër nuk ka arritur një rekord të tillë në një ligë të vetme brenda pesë kampionateve më të forta Europiane.
Stabilitet, vazhdimësi dhe instinkt i pastër golashënues, një përshkrim i shkurtër i Lautaros në këtë periudhë dominuese te Interi.
Me formën që po kalon dhe me Interin që lufton në majat e tabelës, Martinez duket i etur të zgjerojë koleksionin e tij edhe më shumë. Për momentin, argjentinasi është koleksionisti i vërtetë i golave në Serinë A.
PANORAMASPORT.AL
Te lidhura
