Borusia Dortmund nuk dëshiron të vendos as veten dhe as lojtarin e kombëtares, Niko Shloterbek, nën ndonjë presion kur bëhet fjalë për bisedimet e planifikuara për një rinovim të hershëm të kontratës. BVB po e mban qetësinë – pavarësisht interesit të madh për mbrojtësin, i cili është lidhur mes të tjerash me Bajernin. “Nuk mendoj se duhet të nxitojmë gjërat,” thotë drejtori sportiv i Dortmund, Lars Riken.
Situata aktuale është “krejtësisht e mirë.” Riken shpjegoi: “Nëse Niko, me statusin e tij, merr kohën dhe planifikon karrierën me kujdes, atëherë ai po merr përgjegjësi. Jo vetëm për karrierën e tij, por edhe për veten dhe rolin e tij te BVB. Për këtë arsye, nuk kemi nevojë aspak të shqetësohemi për identifikimin e tij.” Kontrata e Shloterbek me BVB skadon në 2027, por klubi shpreson për një rinovim të hershëm.
Kohët e fundit, megjithatë, kanë qarkulluar thashetheme të shumta që mbrojtësi është shumë i kërkuar nga klube si Bajern dhe Liverpul. Spekulimet thonë se klubet kryesore po e shikojnë një transferim verën e ardhshme. Ndërkohë, Lars Riken thekson se mbrojtësi sapo është kthyer nga një periudhë e gjatë pushimi për shkak të dëmtimit. Ai e vlerëson shumë 25-vjeçarin për të qenë “i gatshëm” menjëherë pas rikuperimit.
“Ai gjithashtu mori një rrezik të caktuar shëndetësor për shokët e ekipit, për klubin dhe për tifozët. Për këtë arsye, ka shumë besim dhe afërsi,” thekson shefi i BVB-së. “Pastaj bëhet fjalë për një plan të përbashkët dhe më pas të gjithë do të marrim kohë për të pasur këto diskutime.” Ndërkohë, ai nuk dëshiron të flas shumë për një fitore të mundshme të titullit këtë sezon në këtë moment. “Sigurisht, duke marrë parasysh të kaluarën tonë, gjithmonë ka qenë ambicia jonë të fitojmë tituj,” tha Riken: “Për këtë arsye lojtarët vijnë te Dortmund, sepse ne e kemi mundësinë. Dhe në dy vitet e fundit, kemi kaluar në Ligën e Kampionëve me shumë mund. Për këtë arsye, po vendosim objektiva më të vogla për veten.”
Te lidhura
