TIRANË- Kryeministri Edi Rama është përplasur sot me kreun e shoqatës së ndërtuesve Erjon Harizaj, gjatë një takimi që ka zhvilluar sot për paketën e Paqes Fiskale. Rama tha se sektori i ndërtimit është më fitimrprurësi, edhe për shkak të pagave të ulëta me të cilat deklarohet se paguhen punonjësit. Rama tha se paqe me ndërtuesit nuk ka dhe nuk ka për të pasur.
“Çfarë mbështetje doni ju. E para punës njëherë, mbështetje ju që akoma deklaroni punonjës me 500 mijë lekë, që e di shumë mirë edhe ti dhe unë, nuk ekziston punonjës me 500 mijë lekë në ndërtim. Më shif në sy, jo në Tiranë, por askund, nuk vjen të shtron një pllakë i biri botës. Por nuk keni faj ju, por Gjykata Kushtetuese, që na detyron ne me një vendim që ka marrë disa vite më parë, që ne nuk vendosim dot tavan dhe lozni ju.
Çfarë mbështetje doni ju, jeni sektori me më shumë fitim në Shqipëri, tani keni filluar ta kuptoni se nuk luhet me punonjësit, se nuk gjeni dot punonjës. Shkundini mirë xhepat, jepini 1500 euro, ose 2000 mijë euro punonjësve, dhe mbarojini ato ndërtime që keni lënë përgjysmë. Lëre tani se nuk do merrem me ndërtimin tani, jepini njerëzve atë që iu takon. Mos kërkoni gjë fare fare ju, vetëm shpresoni që të mos jeni në listën e zezë”, u shpreh Rama mes të tjerave.
