Liverpuli u ngjit në vendin e gjashtë në renditjen e Premier League pasi dopieta e Hugo Ekitike siguroi një fitore të merituar 2-0 ndaj Brajton duke e çuar serinë e ndeshjeve pa humbje të “The Reds” në pesë në të gjitha kompeticionet (3 fitore, 2 barazime).
Me gjithë vëmendjen para ndeshjes të përqendruar te rikthimi i Mohamed Salah, egjiptiani e nisi takimin nga stoli për vendasit, të cilët kërkonin të vazhdonin serinë pozitive pas fitores mbresëlënëse 1-0 ndaj Interit, të martën.
Salah u aktivizua në minutën e 26-të, teksa në minutën e 60-të, asistoi për golin e dytë të shënuar nga Ekitike. Kjo ishte fitorja e 8-të për Liverpulin në kampionat. Liverpuli e ka çuar bilancin dominues të përballjeve direkte në shtëpi në vetëm një humbje në 12 takime.
Për Salah kjo mund të rezultojë ndeshja e fundit, teksa në merkaton e janarit gjasat janë të mëdha që egjiptiani të largohet.
PANORAMASPORT.AL
Te lidhura
