Futbolli italian ka bërë një hap të rëndësishëm në renditjen sezonale të UEFA-s, duke kaluar Spanjën pas një jave me pesë fitore nga shtatë ndeshje europiane.
Rezultatet e Atalantës, Juventusit, Romës, Bolonjës dhe Fiorentinës kanë kompensuar humbjet e Interit dhe Napolit, duke e çuar Italinë në kuotën 11.071 pikë, mbi Spanjën që ka 10.609. Gjermania mbetet pak përpara me 11.660 pikë, duke mbajtur aktualisht vendin e dytë që vlen një vend shtesë në Champions League për sezonin e ardhshëm.
Rivaliteti mes Italisë, Gjermanisë dhe Spanjës mbetet i hapur, ndërsa Serie A shpreson të ngushtojë diferencën para pushimit dimëror falë ndeshjeve të fundit në Konference Ligë.
Kujtojmë që në muajin janar do të zhvillohen edhe dy raundet e fundit të tre kompeticioneve evropiane për klube sa i takon fazes së ligës, ç’ka mund të sjellë edhe ndryshim në renditjen e përgjithshme mes shteteve në garë për t’u përfaqësuar sezonin e ardhshëm me 5 skuadra.
PANORAMASPORT.AL
Te lidhura
