Momenti më i diskutueshëm i ndeshjeve të së martës në Ligën e Kampioneve ishte penalltia e akorduar në fund të duelit mes Interit dhe Liverpulit. Bastoni kapi nga fanella Virc i cili u rrëzua në mënyrë dramatike, gjyqtari Feliks Zvajer la lojën të vazhdonte dhe pasi u thirr nga VAR, vendosi të jepte 11-metërshin që vulosi fatin e ndeshjes.
Interistët dhe jo vetëm u tërbuan nga ky vendim i cili u duk absurd, aq sa edhe trajneri i Liverpulit, Arne Slot, u doli në mbrojtje pas përfundimit të ndeshjes ku skuadra e tij doli nga kriza pikërisht prej asaj penalltie.
“Nëse ajo është penallti, ne mund të kishim marrë 10 të tilla në këtë sezon”, tha trajneri i Liverpulit para mediave. “Në Premier Ligë nuk do na jepej kurrë një penallti e tillë. Goli që u anulua ishte më i pastër se sa penalltia që u dha”, theksoi ai.
PANORAMASPORT.AL
Te lidhura
