Uli Hënes u shfaq tejet i kënaqur. Ai ishte “krejtësisht i kënaqur me mënyrën se si kanë shkuar gjërat këtë vit, si personalisht ashtu edhe te Bajern,” tha presidenti i nderit dhe shprehu tre dëshira për Krishtlindje: finalen e kupës në Berlin, titullin kampion dhe: “Që ekipi ynë të arrij larg në arenën ndërkombëtare.”
Kushtet për ëndrrat e Hënes janë më të mira se kurrë përpara sprintit të fundvitit. Skuadra e trajnerit Kompani po tregon një nivel stabiliteti dhe dominimi që rrallë shihet. Për më tepër, skuadra tashmë e mbushur me yje e Mynihut së shpejti do të përfitoj edhe nga disa përforcime të profilit të lartë.
“Ne jemi shumë të kënaqur me skuadrën tonë dhe po presim me padurim tre përforcimet dimërore. Nga ky këndvështrim, do të jemi mirë të pozicionuar,” theksoi drejtori sportiv Kristof Frojnd.
PANORAMASPORT.AL
Te lidhura
