Skuadra e LNZ Çerkasy shënoi fitore të rëndësishme 3 me 0 ndaj Obolon në ndeshjen e vlefshme për javën e 15-të në elitën e futbollit ukrainas.

Një performancë të jashtëzakonshme regjistroi mesfushori shqiptar i Kosovës, Muharrem Jashari, i cili asistoi te goli i parë dhe shënoi golin e tretë të sfidës, duke i dhuruar 3 pikë të arta skuadrës së tij, që arkivoi suksesin e katërt radhazi në kampionat.
Ky ishte goli i dytë në 13 javë për Jasharin si dhe asisti i tretë. Nga stoli në këtë duel u aktivizua edhe mbrojtësi Dajko, i cili në të kaluarën ka qenë edhe kapiten i Laçit. Skuadra e LNZ Çerkasit kryeson kampionatin me 32 pikë në 15 javë.
PANORAMASPORT.AL








