Një skenar që ngroh zemrat e të gjithë tifozëve të futbollit po bëhet gjithnjë e më i mundshëm: Leo Mesi dhe Kristiano Ronaldo mund të takohen në çerekfinale të Kupës së Botës 2026, me kusht që Argjentina dhe Portugalia të fitojnë grupet e tyre.
Nëse kjo realizohet, do të kemi një nga ndeshjet më të shumëpritura në historinë e futbollit modern. Rivaliteti midis dy ikonave të futbollit ka zgjatur më shumë se një dekadë, nga “El Clasico” te garat për Topin e Artë, dhe një takim në fazën nokaut të Kupës së Botës do të ishte skenar perfekt kinematografik.
Vlen të theksohet fakti se Argjentina bën pjesë në grupin J së bashku me Algjerinë, Austrinë dhe Jordaninë, ndësa Portugalia ka në grup fituesin e play-off-it ndërkontinental 2, Uzbekistanin dhe Kolumbinë.
PANORAMASPORT.AL
Te lidhura
