Masimiliano Alegri nuk mund të jetë i kënaqur me paraqitjen e Milanit në sfidën e “Olimpico”-s kundër Lacios. Eliminimi nga Kupa e Italisë është vetëm pasojë e një ndeshjeje që nuk u menaxhua si duhet nga kuqezinjtë, të cilët u munduan me lojtarët e formacionit të dytë në fushë, duke lënë shije të hidhur te trajneri toskan.

“Kush fiton ka gjithmonë të drejtë. Lacio fitoi një ndeshje ku ne patëm më shumë vështirësi sesa të shtunën. Ishte një ndeshje e mbyllur, kush shënonte i pari, fitonte. Ne patëm shumë raste ku nuk shënuam dhe ata e bënë në një goditje këndi ku duhej të mbronim më mirë – shpjegoi Alegri për mikrofonat e “Mediaset”.

“Duhet të jemi të zemëruar sepse eliminohemi nga një ndeshje brenda ose jashtë, por duhet të shikojmë përpara sepse kemi kampionatin me Torinon dhe Sasuolon para Superkupës së Italisë. Sidoqoftë nuk duhet të depresionohemi sepse kemi një sezon për të luajtur dhe duhet të provojmë të kualifikohemi në Champions.”

Alegri veçanërisht nënvizoi rëniet e tensionit kur skuadra ka kontrollin e lojës, duke u ankuar për gabimet para portës dhe golin e pësuar sërish nga një goditje standarde, ashtu si ka ndodhur edhe në ndeshje të tjera:

© Panorama.al