Xhan Piero Gasperini e ndoqi nga tribuna humbjen e Romës ndaj Napolit, për shkak të pezullimit. Trajneri theksoi se goli i pësuar lindi nga një episod i dyshimtë, por pa kërkuar justifikime, duke pranuar edhe gabimet e skuadrës së tij. Ai tha se ndërhyrja ndaj Koné mund të ishte ndëshkuar, por Roma ishte gjithashtu e ekspozuar.
Gasperini mohoi mungesën e energjisë, duke kujtuar paraqitjet solide të fundit, por pranoi se në aksionin e golit nuk u mbajtën pozicionet e duhura. Sipas tij, sfida ishte e bllokuar dhe edhe Napoli gjuajti shumë pak.
Roma, tha ai, nuk pati shpejtësinë dhe qartësinë e zakonshme, ndoshta edhe për shkak të lodhjes së së enjtes dhe mungesave të shumta që e lanë ekipin të shpërqëndruar. Trajneri vuri në dukje se kjo ishte një tjetër përballje direkte e humbur, por theksoi se ndeshja ishte më e ngadaltë se zakonisht dhe se mungoi energjia nervore. Megjithatë, ai tha se kampionati është i gjatë dhe se duhet parë përpara pa drama.
PANORAMASPORT.AL
Te lidhura
