Interi po kalon një periudhë të errët, ku zhgën jimet janë bërë të njëpasnjëshme si në kampionat ashtu edhe në Ligën e Kampionëve. Pas goditjes së rëndë të pësuar në derbi, skuadra zikaltër u ndal sërish, kësaj radhe në fushën e Atletiko Madridit, duke regjistruar humbjen e parë europiane të sezonit. Në Madrid u pa një Inter i gatshëm për të luftuar, i aftë të krijojë raste dhe të luajë me personalitet, por mungesa e cinizmit dhe gabimet e përsëritura rezultuan vendimtare.
Ashtu si kundër Milanit, ekipi prodhoi më shumë se kundërshtari, duke ndërtuar lojë dhe duke diktuar ritmin në disa momente. Megjithatë, asgjë prej tyre nuk u materializua në rezultat, ndërsa Atletiko shfrytëzoi çdo detaj dhe çdo dobësi të lënë hapur nga Interi. Goli i parë i spanjollëve ishte një fotokopje e atij të pësuar në derbi: një top i humbur në qendër nga Çalhano?lu dhe një kundërsulm i menjëhershëm që përfundoi në rrjetë.
Edhe goli i dytë, ai i Gimenez, erdhi pas një mungese të theksuar vëmendjeje në zonë, duke e lënë mbrojtësin uruguaian krejtësisht të lirë për të goditur me kokë. Në një garë si Champions League, ku çdo centimetër ka peshë, Interi e pagoi shtrenjtë sipërfaqësinë në momentet kyçe. Diego Simeone ndryshoi fytyrën e ndeshjes me zëvendësime të sakta që sollën energji të freskët, ndërsa Terziç u tregua më i ngurtë dhe më pak agresiv në bankinë. Mungonte guximi për të balancuar skuadrën në minutat vendimtare dhe për të shtuar peshë në mbrojtje kur rreziku u rrit.
Edhe mungesa e Dumfris ndikon dukshëm. Karlos Augusto vazhdoi të vuajë në krahun e djathtë, një rol që nuk i përshtatet, ndërsa futja në fushë e Luis Henrike la dyshime për shkak të situatës së fundit me të. Një zgjidhje më e qëndrueshme mund të kishte qenë hyrja e De Vrij-it, i cili do t’i shtonte centimetra dhe eksperiencë skuadrës në momentet vendimtare. Çështje më vete është Lautaro Martinez.
IGLI ÇUTRA-PANORAMASPORT.AL
Te lidhura
