Lajm i keq për Çabi Alonson në prag të ndeshjes së Ligës së Kampioneve kundër Olimpiakos Piraeus. Portieri Tibo Kurtua u largua nga Valdebebas para seancës stërvitore të sotme për shkak të gastroenteritit dhe nuk pritet të udhëtojë me ekipin për në Athinë.
Klubi madrilen konfirmoi mungesën e tij, por la derën hapur për mundësinë e një rikuperimi në minutën e fundit: “Pas vlerësimeve të sotme nga shërbimet tona mjekësore, Kurtua është diagnostikuar me një infeksion viral gastrointestinal. Situata mbetet për t’u vlerësuar”, thuhet në deklaratën zyrtare.
Nëse mungesa e belgut konfirmohet, ai do të humbasë një ndeshje për herë të parë këtë sezon pas tre muajsh duke luajtur me kohë të plotë. Andriju Lunin pritet të mbrojë portën.
Te lidhura
