Federiko Jaselli Meaza jeton në Madrid, është 56 vjeç dhe është tifoz i Interit. Fati i “San Siros” së vjetër e prek atë pasi është nipi i Xhuzepes, sipas të cilit mban emrin stadiumi.
E diela do të jetë derbi i parë që nga shitja e stadiumit të Interit dhe Milanit, dhe për të do të jetë një datë simbolike: “Në teori, do të isha i lumtur, ka qenë një ngjarje e shumëpritur”, i tha ai Tuttosport. “Nëse do të ishte plani për ta prishur, do të ishte thellësisht zhgënjyese për mua dhe familjen time, për atë që stadiumi ka përfaqësuar për më shumë se një shekull”.
Jaselli Meaza e kupton logjikën financiare pas zgjedhjeve të klubeve: “Shpresoj që të përfitojnë”.
Ai nuk e fsheh zhgënjimin e tij: “Mendoj se është stadiumi më i bukur në botë. Sigurisht, ka nevojë për modernizim, por është ende një perlë. Do ta shijoj për aq kohë sa të mundem.”
Por ai nuk ka iluzione për ta mbajtur stadiumin me emrin e gjyshit të tij: “Mendoj se do të jetë e vështirë, do të emërohet sipas ndonjë sponsori.”
Sa i përket ndeshjes së fundit: “Shpresoj për një derbi. Mendoj se do të ishte romantik dhe i realizueshëm.”
Ai nuk do të jetë në Milano të dielën në mbrëmje për derbin e parë të një epoke të re, por bën një parashikim: “Është e vështirë, të dyja po luajnë mirë. Mendoj për një barazim 1-1. Edhe pse shpresoj që jo.”
PANORAMASPORT.AL
Te lidhura
