Roberto Mançini është pranë kthimit në pankinë. Trajneri italian, i cili pak kohë më parë i dha lamtumirën drejtimit të përfaqësueses së Arabisë Saudite, do të kthehet në futbollin e klubeve, por përsëri në vendet arabe.
Mançini priti më kot një ftesë nga Juventusi, të cilit nuk i interesonte kosto e lartë e operacionit, si dhe u shqetësua nga tifozët që nuk e donin për shkak të së kaluarës zikaltër. Trajneri kishte refuzuar për Juventusin një ofertë shumë të rëndësishme ekonomike nga Katari, ku klubi i Al Sad i ofronte mundësinë të merrte drejtimin e ekipit.
Pasi dështoi marrëveshja me Juventusin, atëherë Mançini rihapi bisedimet me klubin më të madh të Katarit dhe raportohet se ka pranuar ofertën e tyre, për të rinisur atje edhe një herë karrierën në pankinë.
Klubi në fjalë është më i njohuri në vend, teksa ka fituar 18 herë titullin kampion, përfshirë dy të fundit radhazi. Aty nisi karrierën si trajner edhe Çavi Hernandez, duke e drejtuar për dy vite para se t’i bashkohej Barcelonës.
PANORAMASPORT.AL
Te lidhura
