TIRANË- Komisioni Europian (KE) e ka cilësuar miratimin e ligjir për barazinë gjinore një hap të rëndëisëm në procesin e anëtarësimit të vendit në BE. Në një reagim për mediat shqiptare, KE është shprehur se mrëpresin dhe mbështesin miratimin e këtij ligjt për Barazinë Gjinore nga Parlamenti Shqiptar.
KE thekson se përafrimi me acquis të Bashkimit Europian është pjesë e procesit të anëtarësimit dhe nuk ka të bëjë me agjenda personale apo politike, duke u përgjigjur në këtë mënyrë në lidhje me deklaratat e Sali Berishës për ambasadorin Silvio Gonzato. Miratimin e ligjit për Barazinë Gjinore, KE e cilëson si një shenjë e përkushtimit të Shqipërisë për të zbatuar reformat kyçe në kuadër të anëtarësimit në BE, ndërsa vjen pas rekomandimit në Raportin Vjetor të Komisionit për Shqipërinë për vitin 2025,
“Përafrimi me acquis të BE-së është pjesë e procesit të anëtarësimit, të cilin të gjitha vendet kandidate duhet ta sigurojnë. Kjo nuk ka të bëjë me agjenda personale apo politike, por është një hap thelbësor drejt anëtarësimit në BE. Siç u theksua edhe nga Komisionerja Kos në postimin e saj në rrjetet sociale dje, “Barazia gjinore dhe mosdiskriminimi janë pjesë përbërëse e ligjit të BE-së”. Këto janë vlera themelore të BE-së dhe të drejta themelore. Ne mirëpresim miratimin e ligjit për Barazinë Gjinore nga Parlamenti Shqiptar mbrëmë. Kjo vjen pas rekomandimit në Raportin Vjetor të Komisionit për Shqipërinë për vitin 2025, i cili i bëri thirrje Shqipërisë të sigurojë një nivel të lartë ambicieje dhe është në përputhje me acquis të BE-së dhe standardet evropiane për këtë ligj. Kjo është një tjetër shenjë e përkushtimit të Shqipërisë për të zbatuar reformat kyçe në kuadër të anëtarësimit në BE”, njoftoi Komisioni.
-
Miratohet me 77 vota pro projektligji për ‘Barazinë gjinore’
6 Nëntor, 21:56
Kuvendi i Shqipërisë miratoi mbrëmjen e së enjtes projektligjin për Barazinë Gjinore, me 77 vota pro, pas një seance maratonë të shoqëruar nga debate të forta politike. Pas shumë reagimesh dhe dikutimesh në Komisione Parlamentare, ligji i ri për barazinë gjinore do të zbatojë vetëm dy kategori gjinore: burrë dhe grua. Me 22 amendamente të dorëzuara në Kuvend, Partia Socialiste propozoi heqjen e termave. Tashmë drafti u miratua në seancë plenare./ZËRI
