Pas fitores 3-0 ndaj Fiorentinës, trajneri i Interit Kristian Kivu u shfaq i kënaqur dhe i qetë.

“Kemi treguar durim dhe qartësi. Ishte e rëndësishme të fitonim kundër një skuadre që dinte të mbyllej mirë. Në pjesën e parë patëm vështirësi, por më pas loja jonë u bë më konkrete dhe u shpërblyem.” Kivu vlerësoi Suçiç, autor i një goli spektakolar: “Ka cilësi të mëdha dhe motor të fortë. Sot tregoi gjithë teknikën dhe karakterin e tij.”

Trajneri foli edhe për Bisek: “Për mua është një qendërmbrojtës i vërtetë. Ka guxim dhe di të mbajë linjën lart, por duhet të mësojë kur të rrezikojë.” Në fund, një mesazh për grupin: “Jemi pjesë e një projekti të qartë. Nuk dëgjoj zërat jashtë. Detyra jonë është të punojmë dhe të përmirësohemi çdo ditë.”

PANORAMASPORT.AL

© Panorama.al