Rubin Kazan ku luan Mirlind Daku, ka kaluar në turin tjetër të Kupës së Rusisë, falë formulës së çuditshme që ka ky turne, duke vazhduar rrugëtimin në play-off rajonal.

Mënyra se si është kualifikuar nga faza në grupe ka qenë e pazakontë, pasi i është dashur një barazim dhe fitore me penallti për të vazhduar më tej në fund të 90 minutave.

Në ndeshjen ndaj Akhmat Grozni, vendosej se cila skuadër do merrte vendin e tretë në grup dhe kualifikimin në play-off rajonal. 90 minutat e ndeshjes u mbyllën me rezultatin 3-3, me golin e tretë për vendasit të cilin e shënoi Shabanhaxhaj.

Skuadrat ndanë nga një pikë dhe nisën duelin për pikën ekstra, që do i jepej ekipit që fitonte në gjuajtjet e penalltive. Aty, Rubin Kazan u tregua më i saktë dhe falë edhe realizimeve të Dakut e Hoxhës, triumfoi 4-3.

SHIH VIDEON

Kësisoj, ia doli të merrte vendin e tretë në grup dhe të vazhdonte më tej rrugëtimin në turne falë kësaj pike shtesë, që nëse do i shkonte ekipit tjetër, do kishte eliminuar Rubin Kazanin.

PANORAMASPORT.AL

© Panorama.al