Real Madridi përballet me një javë vendimtare me dy ndeshje të vështira, Juventusin dhe Barcelonën. Dhe nëse ka një siguri në planin e Çabi Alonsos, është se Arda Gyler do të fillojë.
Lojtari turk, zëvendësues kundër Getafes për shkak të një periudhe pushimi, është shndërruar nga një talent i ri në një pjesë jetësore të makinës së Real Madridit vetëm në pak muaj. Merita i takon Çabit, i cili besoi tek ai që nga fillimi dhe i dha besimin që i nevojitej.
Dhe kundër Getafes, rëndësia e tij u demonstrua edhe një herë. Kur nuk ishte në fushë, ekipi e ndjente mungesën e tij, kur u rikthye, bëri diferencën. Asisti i tij për Mbapen ishte një tjetër shembull i ndikimit të tij në rritje. Në një skuadër të Real Madridit që ka parë partneritete të shkëlqyera sulmuese, ajo që po krijojnë Gyler dhe Mbape premton të jetë revolucionare. Francezi ka gjetur te turku një partner që i interpreton vrapimet e tij me saktësi kirurgjikale, që e kupton kur duhet të përshpejtojë dhe kur të ngadalësojë. Loja që çoi në golin përfundimtar i përmblodhi të gjitha: vizion, teknikë dhe precizion.
Ajo që është më e habitshme është lehtësia me të cilën Güler e ka marrë rolin. Ai e mbylli sezonin e kaluar me dyshime dhe konsiderohej një talent në zhvillim e sipër, por sot është i palëkundur. Që nga minuta e parë, ai i fitoi tifozët e Bernabeut me guximin e tij, por në muajt e fundit, ai ka fituar besimin e shokëve të ekipit me largpamësinë e tij, dhe të Çabi Alonsos me aftësinë e tij për të vendosur ritmin në momentet më të vështira.
Aftësia e tij për të ndaluar kur është e nevojshme, për të ndryshuar shpejtësinë kur skuadra ka nevojë për të, dhe, mbi të gjitha, guximi i tij për të kërkuar topin në çdo situatë e bëjnë atë çelësin e ekipit të Çabit. Për trajnerin e lindur në Tolosa, Güler nuk është vetëm një burim, por edhe një element strukturor. Me të, Madridi fiton rrjedhshmëri midis linjave dhe një hapësirë të pastër për sulmuesit. Pa të, skuadra e ka të vështirë të lidhë mesfushën me vijën sulmuese.
PANORAMASPORT.AL
Te lidhura
