TIRANË-Autoriteti i Mediave Audiovizive në Komisionin për Nismat Qytetare Bashkëpunimin dhe Mbikëqyrjen Institucionale raportoi për nismat qytetare raportin vjetor të viti 2024 të instituticonit. Armela Krasniqi tha se në muajt gusht-dhjetor 2024 nga platforma TikTok u hoqën 286 video, 110 prej tyre për ekspozim të fëmijëve, 107 për nxitje të dhunës dhe 193 profile u mbyllën.
Diskutime pati sa i përket gjuhës së urrejtjes, cenimit të dinjitetit dhe përmbajtjeve me ndjeshmëri të lartë, ku deputetja e PS, Sara Mila u shpreh se ka qenë viktimë dhe s’mund të lejohet ky transmetim. Nga ana tjetër demokratja Jurida Tabaku, kërkoi llogari për videon e të ndjerit Martin Cani.
Diskutimi:
Deputete Kiduina Zaka: Ne deputetet e reja, kemi qenë pre e sulmeve.
Mirela Oktrova, AMA: Ne kemi objekt atë që bën media vetë. Jo kur ësshtë live.
Sara Mila: Kam qenë viktimë e bullizimit publik. Transmetuesit duhet të mos e lejojnë.
Armela Krasniqi: I ftuari mund të çmendet, se live çfarë nuk ndodh, por ai moderator ka përgjegjësinë editoriale, distancohet, nëse ai e dënon atë ç’ka ka ndodhur, i tregon derën.
Jorida Tabaku: Si u publikuan pamjet e vrasjes së Martin Cani?
Armela Krasniqi: Sapo u transmetua, ne kemi ndërhyrë në mënyrë inteaktive, bënë të mundur heqjen nga të gjitha mediat brenda ditës të asaj video.
Jorida Tabaku: Babai i Martinit më shkruan se nuk është e vërtetë që është hequr video.
Armela Krasniqi: Të gjitha edicionet janë në AMA dhe mund t’ia bëjmë të qarta babait të Martinit. Atë natë ishin planifikuar emisionet dhe emsionet nuk e dhanë. Kemi ndërhyrë personalsith duke i marrë mediat një nga një se koha nuk priste.
Armela Krasniqi: Funksionon tërësisht në mënyrë të pavarur. Asnjë nga 500 vendimet asnjë zero, nuk është atakuar si i ndikuar politikisht. Ligji na thotë duhet të masni vetëm volumin e reklamës pa e ndarë nëse është publike apo private. E thotë ligji që gjoba nuk duhet të jetë fryma e e rregullatorit. Ligji na thotë gjithnjë do të shkoni me dy tërheqje vëmendje pastaj me gjobë.
