Ish-mesfushori i Kombëtares shqiptare, Ledian Memushaj, e ka nisur me këmbën e mbarë aventurën e tij në radhët e AC Leon në Serinë D italiane, ku vetëm pak ditë më arë ai u emërua trajner te skuadra e cila ishte në krizë rezultatesh.
Që me zbarkimin e Memushajt te ky klub, situata ka ndryshuar plotësisht, pasi Leon ka fituar dy ndeshje radhazi, të dyja me shifrat 2-0. E para ishte ndaj Sondrio në mesjavë, ndërsa e dyta ishte ndaj Real Kalepina këtë të diel.
Kësisoj, Leon kaloi nga një skuadër që po vuante në zonat e ulëta të klasifikimit të Grupit B në Serinë D, në një skuadër që iu afrua menjëherë grupit të kreut, duke u vënë në ndjekje të Kievos kryesues.
Për Memushajn kjo është aventura e parë në drejtimin e një skuadre që kur u largua nga radhët e Dinamos, ku për disa muaj ishte asistent i Luixhi Di Biaxhos në pankinën e skuadrës kryeqytetase.
PANORAMASPORT.AL
Te lidhura
