TIRANË- Kryeministri Edi Rama ka nisur këtë javë podcastin e tij “Flasim” duke folur për ngritjen e Bordit të Transparencës dhe rolin e tij në uljen e çmimit të naftës pas tensioneve në Lindjen e Mesme. Sipas tij, Bordi ka për detyrë të parandalojë abuzimet dhe të monitorojë lëvizjen e çmimeve.
“Bordi nuk vendos çmimin e naftës arbitrarisht dhe nuk e ul çmimin duke rrezikuar kapacitetet e furnizimit. Ai thjesht mbikëqyr lëvizjet e çmimit dhe nuk lejon që operatorët të abuzojnë me konsumatorët. Roli i tij është të sigurojë transparencë dhe të mbajë nën vëmendje çdo shkelje të vendimit. Do bëjmë çmos që deri në përfundim të kësaj situate gjithçka të jetë transparente dhe asgjë e tepërt të mos cenojë konsumatorët,” tha Rama.
Kjo deklaratë e kryeministrit vjen pas lajmit se Bordi i Transparencës rriti ditën e djeshme sërish çmimin e naftës për tregun e pakicës, pas uljes së saj në 203 lekë/litër.
-
‘Fluturon’ çmimi i naftës, Bordi e çon në 218 lekë për litër
28 Mars, 10:03
Aktualisht, çmimi i naftës është 218 lekë/litër, ndërsa që nga përshkallëzimi i krizës në Lindjen e Mesme, çmimi i naftës është rritur me 41 lekë për litër./ZËRI
