TIRANË-Mbrëmjen e sotme është mbledhur Asambleja e Partisë Socialiste e Njësisë nr.2, ku po zhvillohet një takim me strukturat e kësaj njësie. Takim është thirrur nga Sekretari i Përgjithshëm i PS-së, Blendi Klosi, ku i pranishëm ishte edhe kryeministri Edi Rama.
Në këtë takim janë prezantuar dy të deleguarit në këtë njësi, të cilët janë ministrja e Ekonomisë, Delina Ibrahimaj, dhe vetë Blendi Klosi. Në Njësinë 2, Partia Socialiste vendosi si drejtues politikë Gent Gazheli, Olta Manjani, Delina Ibrahimaj dhe Blendi Klosi, të cilët janë ekipi që do të punojnë së bashku për të arritur objektivat e kryeministrit Rama.
Ndërkohë, ditën e nesërme, kryesocialisti Rama do të zhvillojë një takim “retreat” me Grupin Parlamentar të PS-së dhe ministrat e tij. Mbledhja me në fokus sfidat parlamentare, do të nisë në orën 11:00. Sipas burimeve, një theks të veçantë do të ketë edge çështja integrimit të Shqipërisë në Bashkimin Europian.
